سيطرت موجة من الغضب العارم في أوساط مواقع التواصل الاجتماعي منذ أمس الأربعاء عقب حادثة المنيا التي قام فيها مجموعة من شباب القرية بتجريد سيدة مسنة من ملابسها قيل إن نجلها ارتبط بعلاقة عاطفية مع فتاة مسلمة.

" مصر اتعرت " هو الهاشتاج الذي انتشر وتدواله رواد مواقع التواصل الاجتماعي "فيس بوك " وموقع التدوينات المصغر " تويتر "، لرصد الأراء المختلفة حول الحادثة والذي حظي بانتشار واسع من تدشينه.

حيث غرد ماهر جعوان قائلا:" مصر اتعرت فعليك اللهم بالطغاه الجبابرة الذين أضاعوا البلاد والعباد وأكثروا في الأرض الفساد وممن فضحونا وجعلونا مسخرة البلاد "، بينما غرد نادر أيمن قائلا: " ظنوا انهم بتجريدك لملابسك عروكي ولكنهم عروا قذارة نفوسهم وكشفوا عن مجتمع ذكوري يخاف المرأة ولا يعرف عنها سوي ملابسها ".
فيما قالت ساسو علي: " يابلد استكتروا عليكي حتى الهدمة ورموكي في التراب شالحة "، كما غرد باسم: " شيخ الازهر اللي راح الفاتيكان يحكي عن السماحة، مصر اتعرت فضيلتك ".

أما عن رواد فيس بوك فقالت كرستين: " ‏مصراتعريت‬، جاتكم القرف ربنا يرحمنا "، فيما قال آخر: "وائل الابراشى عمل حلقه عن التعرى واللبس القصير فى الافراح والكنائس، فى واحده اتعرت خالص فى المنيا مسمعتش عنها ؟؟؟؟؟ مصر اتعرت ".

بينما علقت ليديا قائلة: "تعليقا علي تصريح محافظ المنيا مفيش فتنه (امال قله الادب اللي حصله والاهانه دي وتعريت ست كبيره ده اسمه ايه حضرتك ) واننا شعب جميل ومتدين بطبعه وان الحديث عن الشرف في محافظات الصعيد مساله كبيره (بمناسبه الشرف حضرتك هو من الشرف تعريت ست من هدومها واهانتها.... يعني اللي كانت ع علاقه بالشخص اللي من غير دينها دي ليها شرف والست الفاضله المحترمه الكبيره السن ملهاش يا راجل يا عره، قالك متدين بطبعه، مصر اتعرت‬ ".

في حين استنكر أحمد ما حدث قائلا: " مصر_اتعرت‬، هو السيسي مش هيقول للست المسيحية العجوزة اللى السفلة في المنيا خلعوها هدومها ومشوها بزفة في الشوارع وهي عريانة، لان ابنها حب بنت مسلمة "حقك عندى" ويجيب لها حقها؟
طب هو البابا مش هينتفض غاضبا للدفاع عن كرامة رعاياه؟ طب هو مجلس النواب مش هيدافع عن الشعب اللى انتخبه؟
طب شيخ الأزهر مش هيطلع يستنكر ويقول ده مش الإسلام واللى حصل جريمة حتى لو تمثيل؟ طب محافظ المنيا ووزير الداخلية مش هياخدوا الحكاية على كرامتهم ويقولوا الست في حمانا؟ طب الإعلام مش هيتحرك ضد جريمة إهانة ست عجوزة وتجريدها من ملابسها ووائل الإبراشي يقول حاكموهم؟ طب هو إحنا كشعب إزاى وصلنا للدرجة دى من الانحطاط وعدم الكرامة... شعب يسكت على إهانة ست عجوزة في واقعة فتنة طائفية بالشكل ده يبقي شعب منحط ومعندوش كرامة بلاش نضحك على نفسنا ".