طباعة
ta7ya-masr.com/219221
حكايه لبنت ….. تشبه حكايه لألف ست
علموها ان الحياة سهله وبسيطه ….ولا مرة هتبكي ولا في يوم هتكونى للظلم فريسه
سمعوها صوت الفرح وهو بينادى … وقالوا لاتخافي دة كل شىء بيعدى في الدنيا دى وعادى
وفجأه كبرت ولحياتها والله ماكانت عرفت
شافت ناس خداعه … رمت الوعد وقلوبهم كانت لواعة
ناس بتشكى من ظلم النفوس من اللي نهبوا ولاهمهم غير الفلوس
والسالمين ضميرهم خلاهم مجهولين….عاشوا أيامهم مظلومين وإنضموا لقائمه المجروحين
و اللي لحبيبه يبيع ...وبسهوله من ايدة يهجرة ويضيع
واللي عمل نفسه بيحبك كذب الكذبه وصدق انه بيعزك
واوعاك تصدق دة
ده هان عليه ينساك سابك لوحدك ورماك
شافت بنت لصحبتها ناكرة جميلها ......هجرت ضحكتها بتعايرها
نسيت انها ولايوم تحكي مواويلها….. الا لم كانت معاها ولا تأمن لغيرها
راحت لأبوها قالتله
ليه معلمتنيش ليه معرفتنيش….. ان وشوش الناس مجرد أفيش
علمتني امشي جنب الحيط …..خليت حياتي ذى ربطه العقده في الخيط
رد وقال وبصوت مكبوت…. انا راجل غلبان قلب انسان
لا اعرف اقسى ولا اضعف ولا اكون ولهان
بسامح اللي أذاني عارف ان رب العرش لن ينساني
جريت لأمها اترمت في حضنها بكت بصوت عالي وقلبها من الشجن بيعاني
طبطبت عليها ودموعها كتماها وعلي ايديها وجبينها منحتها قبله ماهى أم ولبنتها عارفاها
جريت تصرخ بعلو صوتها تاهت هربت شافوها بنت غريبه نظرتها مريبه
خافوا منها ونادوا محدش يقرب منها
والدنيا تلف بيها ويوم يجى ليها ويومين عليها
ويقولوا بنت جميله روحها حلوة بريئه بس ياخسارة فيكى طيبه ودى يابنت في زماننا عيبه !
