فن
حكاية "شارب" جعل أشرف عبد الباقي يصوم 7 أيام متواصلة
السبت 06/فبراير/2021 - 09:47 م
طباعة
ta7ya-masr.com/390532
حكى الفنان محمد هنيدي كواليس صورة جمعته بالفنان أشرف عبد الباقي من أحد الأعمال.
وفي الصورة يظهر الفنان أشرف عبد الباقي يضع شاربا كبيرا، وتذكر هنيدي تفاصيل الصورة وكتب عبر صفحته الرسمية على Facebook: "أهلا .. عايز أحكيلكم عن الصورة دي، ومش كل اللي بتشوفه على السوشيال ميديا هو الحقيقة كلها.. أشرف عشان يركب الميكاب المعقد ده والشنب ده احتاج أكتر من 18 ساعة ميكاب فقرر أنه يفضل بالشنب طول فترة التصوير وهي أسبوع كامل".
وتابع: "ولما جيه ياكل لقى الشعر بيدخل في بقه، فقرر أنه يصوم 7 أيام متواصلة طول فترة التصوير من غير مايشرب أو ياكل عشان مايبوظش الميكاب ... على مدار سبع أيام أشرف ماكنش بياكل ولا بيشرب ولا بيشم كأنه مصاب بالكورونا "بعد الشر يعني".
واختتم كلامه: "أما الجلبية اللي أنا لابسها دي فمورهاش أي قصة ولا أي معاناه ولا هي ولا الطربوش".
على جانب آخر، ينتظر الفنان محمد هنيدي طرح أحدث أفلامه "الإنس والنمس" وكانت الشركة المنتجة قد كشفت عن البوستر الرسمي للفيلم.
"الإنس والنمس" بطولة محمد هنيدي ومنة شلبي وصابرين وعمرو عبد الجليل وبيومي فؤاد وعارفة عبد الرسول ومحمود حافظ ودنيا ماهر وشريف دسوقي وسيناريو وحوار شريف عرفة - كريم حسن بشير وقصة واخراج شريف عرفة.
