حالة من المعاناة الشديدة يعيشها أهالي قرية العتمور بمركز كوم امبو نتيجة للإهمال وفقر الخدمات بالمنطقة والتي وصلت إلي غرق الشوارع في مياه الصرف الصحي والقمامة فضلا عن المنظر غير الحضارى بالمرة دون أن يتحرك أي مسئول
حيث قال الأهالي ل"تحيا مصر" قريتنا ينقصها العديد من الخدمات أهمها عدم إنشاء مشروع صرف صحي والمشكلة مبقتش في الصرف الصحي بس ده كمان الناس بترمي في مياه الصرف دي زبالة وده بيسبب روائح كريهة وحشرات وده بالتأكيد بيسبب أمراض لينا ولأولادنا وحياتنا بقى مالهاش أي قيمة عند المسئولين خالص أهم حاجة إنهم مرتاحين ومش مهم باقي الناس عايشة إزاي
وأوضحوا الأهالي ان المسئولين بيهتموا فقط بنظافة الشوارع الرئيسية، دون أدنى اهتمام بباقي الشوارع الفرعية
وعبروا الأهالي عن غضبهم جراء تلك الأزمة، قائلين “ترضي مين الحياة اللي إحنا عايشين فيها دي.. ومحدش سأل فينا ولا معبرنا”

وقدَّم الأهالي نداءات استغاثة إلى مجلس مدينة كوم امبو واللواء مجدي حجازي محافظ أسوان لمحاولة انقاذهم من تلك هذه الازمة بسرعة التدخل لإنقاذ الموقف رغم تقديم الأهالي للعديد من الشكاوي للمجلس والمسئولين ولا حياة لمن ينادي