مروه ناصر اسما تردد علي مسامع الكثير في الأونه الأخيره، فتاه في بدايه شبابها أثبتت للجميع أنها قادره علي الوصول لحلمها وهدفها ،هي فتاه مليئه بالتفاؤل والاصرار والحماس وايضا "التحدي ".الرومانسية والرقة والحلم والجرأة ملخص شخصيتها تراها تصفها بالفتاه الهادئه المرحه ولكن حين تتعامل معها تري شخصيه يغلب عليها الحماسه وحبها الشديد للعمل نموذج مشرف لطلاب وطالبات الاعلام،تدرس في الفرقه الثالثه بقسم الاعلام جامعه المنيا شاركت مروه في كثيرا من البرامج التلفزيونيه أشتغلت في تقديم حفلات ومؤتمرات’ قدمت كورس تطوع في مجال الاعلام في فريق اتعلم صح شهد لها أساتذتها بابداعها وتألقها لذالك قمنا بعمل حوار معها لكي نقدمه لشباب الاعلام ليتخذوه قدوه فى تحقيق الأهداف والطموحات وفي حديثي معها وكانت البدايه
س1 في الاوان الأخيره اسمك تردد كثيرا علي مسمع ومرأي الكثير في بدايه حواري معكي من هي مروه ناصر أعطينا نبذه مختصره عنك؟
طالبه في اداب اعلام طموحه شجاعه متسرعه عصبيه هدفها تنجح مواليد برج الثور 95

س2كيف كانت بدايتك مع الاعلام؟
بدأتها بالسباحه للعزف ومنها للجلسات التطوعيه في خدمه المجتمع امتازت ب اسلوب الاقناع وبدأت أميل للمجال الاعلامي منذ ثانوي عام بدأت بالفعل دورات تدريبيه حصلت على 13دوره تدريبيه اغلبها من اماكن معتمده اصبح لدي موهبه وبعض من العلم استخدمته ونجحت ولقيت ذاتي في مجال الاعلام

س3 اسلوبك وطريقتك في الالقاء التي أعجبت الكثير هل هي موهبه أما جاءت عن طريق التدريب والممارسه ؟
الاعلامي لو معندوش كارزما وعنده علم بالمجاال مش هيعجب الناس اهم حاجه شخصيه إلى ببقدم وموهبته ومن بعدها الخبره إلى بيكتسبها من التدريب ف اكيد الموهبه اساس لفت انتباه الناس واعجابهم.

س4 مروه انتي اشتغلتي في كذا حاجه ممكن تقولي لينا الحاجات اللي اشتغلتيها ؟
بحب أكون علي درايه بكل شيء حتى لو مش في مجالي انا اتخلقت عشان اجرب واتعلم اتعلمت حرفه المشغولات اليدويه النادره زي التحف والانتيكات اتعلمت السباحه وكنت كابتن مساعد اتعلمت العمل التطوعي وشاركت في مع اكتر من مؤسسه اتعلمت العمل السياسي ومواجهه الاشخاص المتطرفه فكريا واخدت دورات في ده وناظرت احزاب مختلفه اتعلمت المبيعات والدعايا ونجحت في بيع منتجات شركات معروفه حقق مكسب مادي ليا اتعلمت وقررت اعلم الناس إلى اتعلمته في مجالي عن طريق كورسات تطوعيه سابقا

س5 هل مروه ناصر مغروره؟
الثقه في النفس والغرور بينهم شعره خفيفه لو معرفتش احافظ على المسافه بين الغرور والثقه اكيد هتوصم ب كلمه مغروره لكن الحمدالله مبتتقاليش كتير وللمصداقيه اتقالت كام مره مثلا واكيد بحاول اتفادى الغرور لانه نوع من انواع النقص

س6دور الاسره في نجاحك؟
الاسره ف البدايه كانت شايفه اني بحلم ومفيش فرصه ان اوصل للي وصلتله ده فمكانوش بيدعمو لكن لما بدات اشتغل ع نفسي واتطور ساندوني وبقو مؤمنين بالفكره اكتر مني وبقو يساعدوني بكل ما يملكو للوصول لهدفي
دور الاصدقاء؟
الصحاب ملقتش غير صديقه مخلصه ليا هيام ع مستوى الشخصي والعملي هي إلى اكتفيت بيها
دور الناس؟
دور الناس من اهم الادوار هما يعتبرو مرايتي إلى بتعكس هل انا ماشيه صح وناجحه ولا لا وبتعلم منهم وباخد بنصيحتهم لاني بخاطبهم فلازم اكون ع قدر من استحسانهم


س8ماهي المواقف الصعبه التي مرت عليكي في مجال الاعلام؟
المنافسين الغير شرفاء بمعنى انه عاوز ينافسك فبدل ما ينافسك بموهبته يحاول يوقعك او يئذيك وفي اول طريقي قابلت كتير بس كانو درس محترم وقفني على رجلي دلوقتي، اما من اصعب ما واجهت حتى الان هو وجود ناس في المجال بترفض وبتظلم المحجبه باعتبارها مش واجهه اعلاميه رغم ان الحجاب مس هيقلل ابدا من الاعلامي ع الشاشه لكن ده بيرجع لثاقفه وسياسه القنوات فبسكت وبشتغل ع النت اشرفلي من قناه تطلب اقلع الحجاب

س9 من المعلوم ان لكل انسان ناجح حاقد فهل واجهتي حقد من احد وكيف كان تعاملك معه؟
واجهت كتير بفرح لانك لسه قايل الانسان الناجح ليه حاقد فده دلليل على نجاحي اوقات بتجاهل واوقات لا حسب التصرف لو زاد عن حده بصراحه مش بقدر اتجاهل

س10 ماهو سر نجاحك؟
ثقتي فربنا ومن بعده الايمان بااحلم والوصول ليه ملوش معاد لكن هيحصل

س11 ماذا ننتظر من مروه في المستقبل ؟
مروه ف المستقبل هدفها تتكلم بلسان العرب مش مصر بس هدفها تكون مذيعه للعرب تجمعهم علي قضيه واحده بمجهودها وبشغلها العرب مش محتاج اعلامي ينقل خبر، الاخبار بقت سهل انها تتعرف العرب محتاج اعلامي يمد ايده ويحاول يوحد العرب ولو ع اقل بطرح قضايا عربيه بجراءه ومصداقيه ويناشد للحل واهداف تاني كتير بس ده اهم هدف

س12 تحبي تختمي الحوار بايه؟

وسط كل الظروف والاحباط والمشاكل وإلى ضدك وإلى بيهاجمك متسمعش غير لصوت عقلك لان محدش شايف حلمك بعينك ولا حد مقدر تعبك انت هتوصل بربنا ومن بعده مجهودك لو متعبتش مش هتنجح مش هتوصل اتعب اشتغل عارف مع الدنيا وهتوصل ده اقدر اقوله لكل واحد وواحده نفسهم يبقو حاجه وبقولها لنفسي كمان عشان استمر