هاجم الاعلامى خالد الغندور منتقدى برنامجه الاعلامى الذين اتهموه بعدم الحيادية والانحياز دائما لصالح الزمالك بسبب مداخلات رئيس النادى الدائمة له.

وأضاف الغندور عبر صفحته الشخصية على موقع التواصل الاجتماعي "فيس بوك": بكل أدب واحترام اللي مش عاجبه البرنامج او شايف اني مش محايد ممكن يتفرج علي ١٠ برامج اخري مقدمينها منتهي الحيادية وبيتكلموا بمنتهي السوء عن الزمالك وده اللي يرضي الحياديين لكن اللي بيتكلم علي الزمالك والاهلي وينتقد المجاملات وعدم وجود عدل بين جميع الأندية فده رجل يثير الفتنة ومنحاز عشان كده اتمني منكم عدم التواصل علي الصفحة مع العبد لله واعمل لنفسك بلوك.

واثارت التصريحات انتقادات واسعة بين رواد مواقع التواصل الاجتماعى "فيس بوك".
حيث قال "Mohamed Sam": "‏بدأت تخسر جمهورك"‏.

واضاف حساب "Walied Morsy": " ابشرك يا خالد يا غندور أن برنامجك حيتقفل قريب إن شاء الله ".

واضاف حساب "احمد ميدو": " بنحبك بس عشان انت جزء من تاريخ الزمالك وليس كا اعلامي وهذه وجهه نظري الاي لا قيمه لها ".
وقال "Essam Uwk": " والله بينتقدوك علشان بتبين الفضايح بتاعتهم لان ده مش علي هواهم الناس دي عايزه تعمل اللي علي هواها ومحدش يحاسبها ساعتها تبقي برنس ومحايد.. فاكر الارهاب الفكري اللي اتكلم عليه احمد عفيفي.. هو ده اللي ماشي اليومين دووول ".