قانون الخدمة المدنية الجديد الرواتب فيه تفقع المرارة ،وحاسس انى الحكومة اللى وضعت هذا القانون عايشة فى عالم وكوكب تانى ، ونواب الشعب اللى وافقوا عليه كأنهم عايشين فى كوكب تالت ،ممكن نحسب حسبة بسيطة وصغيرة يعنى راتب المدير العام فى القانون الجديد 1336 جنيها ، يعنى بالبلدى كده والعربى موظف بدرجة مدير عام طول بعرض ملو هدومة يحصل على هذا الراتب الهزيل دا ،طب ازاى دا على كده بخلاف الموظفين اللى اقل منه هيحصلوا على راتب كام ،الحل عند الحكومة وهى ان تحتفظ بالرواتب وتقوم بالصرف على الشعب وتوفير له كل الخدمات ،أو تقوم بتكليف وزارة الداخلية بإنشاء إدارة جديدة مهمتها الأولى والأخيرة هى القبض على أى موظف فى الدولة تكتشف انه لم يحصل على رشوة ! ورسالتى ليك يا ريس أقم الحد على أى حد وراجع القوانين لانى الحكومة شكلها مرتعشة أو مش عارفين أو خايفين من التوقيعات اللى تودى فى داهية أو منك لما تراجعهم فى اللوائح والقوانين ويطلعوا غلطانين .