جريدة تحيا مصر

اخر الأخبار
مقتل فتاتين بـ 10 رصاصات في العبور سيليكون 21 تشارك بجناحين في الدورة 22 من معرض القاهرة الدولي للتكنولوجيا Cairo ICT 2018 هواوي تطلق ميزة HiAI 2.0 وتعبر عن التزامها بخلق أفضل تجارب التطبيقات المدعومة بقدرات الذكاء الاصطناعي القمة السنوية الخامسة للسيارات "إيجيبت إوتوموتيف" تنطلق 4 ديسمبر المقبل انطلاق أول شعبة للاقتصاد الرقمي والتكنولوجيا بالغرفة التجارية بالإسكندرية اتصالات مصر تدعم متحف نجيب باشا محفوظ بقسم أمراض النساء والتوليد بقصر العيني "أﭬايا" تستعرض حلولها المبتكرة للاقتصاد الخدمي المتنامي في مصر خلال "معرض القاهرة الدولي للاتصالات وتكنولوجيا المعلومات 2018" 10 شركات ناشئة من أعضاء شعبة الاقتصاد الرقمي تنطلق من Cairo ICT 2018 إلى CES بأميركا بالفيديو والصور.. مدير أمن الإسماعيلية يتفقد مشروع الطريق المواظى لشارع "شبين الكوم" أمام الموقف العمومى محافظ الإسماعيلية يتفقد مشروع تطوير المحاور المرورية ويتابع أعمال الاصلاح لخط المياه لمدينة المستقبل

الصحة

د/ إيهاب محمد عبد المعطي

د/ إيهاب محمد عبد المعطي

نصائح لكل أم ربنا رزقها بـ"طفل" جديد

الأحد 18/فبراير/2018 - 10:02 م
طباعة
- رضعى طبيعى اول 6 شهور من غير اى اضافات 
-بلاش اعشاب ولا بيبى درينك 
بلاش جلوكوز عشان الصفرا ولا بعدالولاده
- ڤيتامين "د" من أول يوم ٤ نقط ڤي دروب
- تطعيم ڤيروس بي أول ٢٤ ساعة حتى في أيام الجمع و العطلات الرسمية .. في الوحدات الصحية و أقسام النساء في المستشفيات الحكومية
- ما تربطيش حاجة على السرة
- ممنوع الحفاضة تغطي السرة
- نظفي السرة بالكحول بعد كل غيار.
- رضعي طبيعي ..بس
- بلاش بيبي درينك..اتمنع من وزارة الصحة
- تحليل الكعب من اليوم الثالث للسابع يوم السبت و الثلاثاء في كل الوحدات الصحية..
- حديث الولادة إنسان و بيحتاج النظافة ..و بيستحمى عادي على الاقل مرة واحدة في اليوم
- ممنوع بوس الطفل من الفم
- بلاش بوس أحسن ..بينقل أمراض
- تطعيم الدرن "حقنة الكتف" ..في أول 15 يوم ما تتأخريش
- مفيش في السبوع غربلة ..الغربلة=نزيف في المخ
- تكحيل الطفل بالبصل ممنوع..عينه هتضيع
- نقط مطهرة للعين روتين في أول أسبوع
- أورق مهمه: كراسة التطعيمات..منحنيات النمو تشمل الوزن و الطول و محيط الرأس
- وزن طفلك ساعة الولادة ..احفظيه، الطبيعي من ٢.٥ الى 4 كيلوجرام و بيخس 10%بعد الولادة و بيرجع لوزن الولادة عند اسبوعين . في المتوسط بيزيد ٧٥٠ جم أول شهر
- ٦٠٪ من المواليد بيصفروا ..صفرا طبيعية حميدة ما تقلقيش.
- الصفرا عايزة رضاعة و متابعة أو حضانة و علاج ضوئي مش عايزة نيون و لا ڤيتامين
- المولود إنسان ..إحساسه بالجو زينا..بلاش بطاطين في أغسطس ..هيفطس
- الزغطة و الخنفرة و الحزقة ظواهر طبيعية هتقل مع الوقت
- ظواهر تقلقك : الطفل رافض الرضاعة أو مش قادر يرضع ، لونه بيزرق، نفسه فيه نهجان ، مدروخ و مش بيصحى
- اهتمي بنفسك و صحتك عشان تقدري تهتمي بمولودك..كلي أكل صحي و متوازن ، بلاش أدوية من غير داعي، اشربي كل ماتعطشي، و بلاش اكل حراق أو بيعمل انتفاخات كلي 3 وجبات رءيسية و وجبتين خفيفتين
- حديث الولادة بينام كتير بس متقطع..نومك هيتلخبط ..بترضعي و تغيري و تدلعي و تنيمي
- حديث الولادة بيسمع من و هو جنين ف اخر شهور الحمل..لو مفيش فزع أو خضة من الصوت العالي تقلقي
- لازم طفلك يعمل براز في أول ٢٤ ساعة ..لو معملش استشيري الطبيب
- أنماط الإخراج مختلفة عند حديثي الولادة..فيه طفل بعد كل رضعة يعمل براز و طفل يعمل مرة كل 5 ايام
- النوم على البطن ممنوع . .
- غيري الحفاض من ٣_٤ مرات يوميا و نشفي كويس. و سيبيه متعرض للهوا شويه.
- لو بنت اتأكدي من وجود فتحة المهبل..لو ولد حسي الخصيتين و شوفي فتحة القضيب في مكانها و لا لأ..
- طفلك بيعيط كتير ..عليكي تخمني السبب و مع الوقت هتفهميه
جعان _رضعيه ،، شبعان و منفوخ _كرعيه،، عنده مغص دلكيه ،، عايز حد يشيله شيليه ..ما تسيبيش طفلك يعيط عشان ما يتعودش على الشيل..هو إنسان و عايز اهتمام و الاهتمام ما بيطلبش
- السخونية و الكحة في حديثي الولادة مش طبيعية و مش حميدة ..لازم دكتور و تحاليل.
- حبي طفلك ..ولد أو بنت..أسمر أو ابيض ..سليم أو مريض ..ده قطعة من روحك ما تخليش حد أبدا يصنفه
- مع نهاية الشهر التاني الطفل بيبدأ يبتسم لو لاعبتيه ..لو بيعيط و اتكلمتي معاه هيهدأ ..
اتعاملي معاه على إنه إنسان محتاج غذاء و حب و عناية
-اهتمى بالتطعيمات الخارجيه مهمه خصوصا الروتا عشان النزلات المعويه والمكورات عشان الالتهاب الرئوى 
حافظى على ابنك وريحى بالك

إرسل لصديق

أخبار تهمك

تصويت

شارك بإستطلاع تحيا مصر : من هو أفضل إعلامي رياضي لعام 2017 ؟

شارك بإستطلاع تحيا مصر : من هو أفضل إعلامي رياضي لعام 2017 ؟

الأكثر قراءة

المزيد

تابعنا على فيسبوك

تابعنا على تويتر

ads