وصل الى بريد تحيا مصر شكوى من السيد احمد زينهم عبدالسميع ابراهيم

باسوس طريق القناطر الخيريه القليوبيه شارع ابراهيم الشنطوري منزل طارق زعيمه.
تفيد الشكوى أنه قام بشراء جهاز عبارة عن ثلاجة 3 باب توشيبا ضمان 10 سنوات في اول سنه تم عمل صيانة للجهاز عدم تبريد اكتر من 6 مرات وكل حاجه في الثلاجه اترمت في الزباله.   وقد طلب الفني من الشركة سحب الجهاز علشان العطل اتكرر كتير حتي قامت الشركة بسحب الجهاز من البيت في 2016 وتم عمل الصيانه في الشركه وبعد حوالي 4 شهور حدث  نفس العيب في الجهاز عدم تبريد .

قمت بإبلاغ  الشركة بالعطل قبل رمضان بعتولي الفني بعد العيد كان فاضل علي العيد الكبير 10 ايام لما  حضر الفني الي المنزل معرفش يعمل حاجة في الجهاز طالبت من الشركه استبدال الجهاز  وكنت كل يوم  اتابع معاهم لحد ما الفني طلب صورة البطاقة وشهادة الضمان علشان يستبدلون الجهاز بعد 15يوم زي ما قال لي .

 اتصلت علي الشركه قالولي احنا هنعمل صيانه بس وضحكوا عليه المهم سحبو الجهاز من البيت تاني يوم 21/8/2017 بعد ما عذبوني معاهم من رمضان و الجهاز عطلان طلبت منهم لما يجيبو الجهاز يجيبو معاهم جواب من الشركة تتعهد في حالة تكرار العطل الشركه تستبدل الجهاز وهم كل يوم اكلمهم يقولولي بعد3 ايام المشكله هتتحل بقالي علي الوضع ده حوالي 55 يوم.