علق الرئيس عبدالفتاح السيسي، على طلب، اللواء مهندس أحمد زكي عابدين رئيس مجلس ادارة العاصمة الادارية الجديدة، من الدكتور محمد شاكر وزير الكهرباء، بإنشاء محطات للكهرباء تعمل في الضغط العالي بالعاصمة الجديدة، قائلا:"عملية مين يدفع الفلوس نتكلم فيها بعدين يادكتور شاكر ويحسمها سيادة الرئيس".

ورد "الرئيس"، خلال فاعليات افتتاح المرحلة الأولى من مشروعات العاصمة الإدارية الجديدة، ضاحكا:"عاوز أقولكم كلكم ولا تشغلوا بالكم بأي تكلفة خالص، ولا يمكن أننا نقدم على موضوع احنا مش مستعدين له وجاهزين له من كافة الوجوه"، مُضيفا:"احنا بنطور نفسنا لقدام، لو فتحت الطلب على أراضي مش لانشاءات أقدر أقولك هنلاقي طلب الـ40 ألف فدان ولكن كان لازم نحافظ على الشكل التخطيطي المتكامل مع طرح الـ5 آلاف فدان للمستثمرين".

وأضاف:"مش ممكن هنخش في موضوع نعمله مش عارفين هنعمله ازاي هنجيبله فلوس منين.. مش كده ياكامل واللا ايه.. معنديش أي مشكلة من اللي اتكلمت فيها.. فورا تخلص وانا عارف هتخلص ازاي"، ليرد " رئيس مجلس ادارة العاصمة الادارية الجديدة"، قائلا:"انا اتكلمت باسلوب المكاشفة والحقائق اللي بنعرضه على حضرتك".