أكد الفنان عزت أبو عوف عن صدمته بعد أن وصلت فاتورة كهرباء منزله لـ 13 الف جنيه وقرر الاستغاثة بالرئيس عبد الفتاح السيسي لوضع حد لهذا الأمر.

وكتب أبو عوف من خلال حسابه علي الفيسبوك"انتم عارفين انى من أكبر المشجعين للرئيس السيسى ، لكن لما توصلنى فاتورة كهرباء عن شهر واحد لبيت ساكن فية ٣ أنفار ( أنا و مراتى وابنى ) ومعندناش لا ضيوف ولا يحزنون بمبلغ 13 ألف جنيه ، فلازم أسأله، إيه اللى بيحصل ده يا ريس ؟ ده أنا لو مصنع مش حاخد بـ ١٣٠٠٠ جنيه كهربا".

وتابع :"بسأل المحصل قالى ما حضرتك ساكن فى كومبوند كبير!!!! يا سلام، هو اللى ساكن فى كومبوند دة لازم يبقى أوناسيس مش ممكن يعنى يكون مفلس ومعهوش ١٣٠٠٠ جنية، مش عارف اقولك اية يا ريس لكن الحقنا أرجوك".