علّقت إيمان شقيقة الفنان محمد أسامة الشهير بـ"أوس أوس" من خلال حسابها الشخصي عبر موقع التواصل الاجتماعي "فيسبوك"، اليوم الأربعاء، على كلام النشطاء حول عدم ابتسامة زوجته في الصور وتكاليف الفرح وغيره.

وقالت: "أولاً العروسة مش كئيبة بالعكس دي أطيب خلق الله ونعمة من ربنا إنه رزقنا بيها في أسرتنا الفكرة إن البنت استلموها تصوير من وهي في غرفتها لحد 2 بليل طبيعي هتفرهض ومش هتعرف تواصل الضحكة لآخر صورة".

وأضافت: "الصور بتاعة الفلوس تعمل كل حاجة والجو القلش ده مجرد هزار من الناس ده مايديش أي حد الحق في أنه يدخل ويتفلسف ويقول دي اتجوزته ليه.. ولا هو اتجوزها ليه.. مش أول اتنين حلوين يتجوزوا يا جدعان".